Tatlo ka mga Antolohiya ka Padya DK 8 Ginbalhag
Bugal nga ginapamaan ka Dungug Kinaray-a Inc. ang pagbalhag ka tatlo ka mga antolohiya halin sa ikawalo nga Padya Dungug Kinaray-a, ang tuigan nga paindis-indis sa pagsulat sa Kinaray-a. Para sa tuig 2014, nahuman ang masunod nga mga libro nga nagtipon ka mga pinili nga pasakup halin sa paindis-indis:
Padya Dungug Kinaray-a 8: Antolohiya ka mga Binalaybay
Ginkay-ad ni: Maria Milagros C. Geremia-Lachica
Kadamulun ka libro: 160 ka panid
Dibuho sa tabon ka libro: Mary Rose Adelle Pacificar
Ginbalhag sa: New York, USA
Padya Dungug Kinaray-a 8: Antolohiya ka mga Mamugu nga Sugidanun
Ginkay-ad ni: Ritchie D. Pagunsan
Kadamulun ka libro: 210 ka panid
Dibuho sa tabon ka libro: Mary Rose Adelle Pacificar
Ginbalhag sa: New York, USA
Padya Dungug Kinaray-a 8: Antolohiya ka mga Sugidanun Pangbata
Ginkay-ad ni: Emmy L. Masola
Kadamulun ka libro: 154 ka panid
Dibuho sa tabon ka libro: Mary Rose Adelle Pacificar
Ginbalhag sa: New York, USA
Ang mga libro igalunsad sa Disyimbri 22, 2014 sa San Jose, Antique imaw sa pagsaulog ka Pagdayaw 2014. Sa mga may luyag magbuul ka kopya, makipag-angut sa DK paagi sa admin@dungugkinaray-a.com. Ang mga libro sarang man mabakal sa Amazon.com.