|
“Ilahas ako bisan nasiud, indi madakup bisan nadakup, indi mahagup hay ang pagkailahas sa akun tul-an tuduk.” Hay wara run Ikaw, pasogti ako sa pagsabat ka dyang imo binalaybay nga sa pagkatahum, sa pagkadalum, sa pagkasubu, kag sa pagkasampat ka mga tinaga nga imo ginbilin; naglabay ikaw kag hinali naglupad, ikaw gid man ang ilahas. Sa imo pagpanaw, kami nga imo ginbayaan, ang ginsiud, ginkorong sa mapait kag matam-is nga paghandoraw ka mga kahapon nga ikaw, kaimaw namun, hagup kag nagpalangga. Lupad, Ilahas, kag mag-inum sa mga busay ka Madyaas, ang Tinagong Dagat nagahulat sa imo pagsalum, nagapamaypay ang mga kakahoyan sa Porras; kabay magpabilin ikaw nga hilway. |