Mga Hurubatun Kang Antique
Gintipon kag ginsulat ni Mrs. Ligaya B. Bundac
1. Ang tawo nga mabinantayun Amo ang tawo nga mabinuhatun. 2. Ang balay nga may kalamay Ginadapuan kang subay. 3. Inday, indi ikaw magsarig Sa imong pagkadalig Hay bisan gani ang tubig Nagainanay sa pag-ilig. 4. Ang indi kamaan magbalikid sa anang ginhalinan, Indi makaabot sa anang aragtunan. 5. Ikog mo anay ang balikda kon ano ka labug Antis magturuk ka ikog kang iba. 6. Kon ano gani ang sinapsap Ano man ang inagsap. 7. Ang tawo nga parasugid Isot lang ang tuod, laban butig. | 8. Ang tawo nga gaparanglakaak ang handum, Kon mahulog, bahul ang lagabung. 9. Ang tawo nga bukut mabinuligun Wara it amigo nga pangisapwun. 10. Bisan ano ka lawid ang prusisyon Igabalik gid a simbahan. 11. Gahubas gani ang tubudan Ang manggad pa ayhan. 12. Ang tawo nga pungko lang nga pungko, Wara it surulud sa tubo. 13. Makilala mo ang tawo sa anang binuhatan, Bukut sa sugid nga palaban-laban. 14. Ang tawo nga parabasa Indi lang basta-basta. 15. Mapunggan ang dagahay kang suba, Pero mabudlay punggan ang baba. |
Pamaan: Ang dyang mga hurubatun nga halin sa probinsya kang Antique, gintipon kag ginsulat ni Mrs. Ligaya B. Bundac, Puno kang Departamento kang Filipino, Antique National School (Retirado).
* Litrato: Himo ni Fernando Amorsolo halin sa http://www.tuttartpitturasculturapoesiamusica.com/2012/11/Fernando-Amorsolo.html.