|
Baylo sa gogma nga ipabilin ang pagpangita ka bolawan sa matam-is nga kalapadan nga sa pagpanikasug kag balhas bisan maniki nga handum may matoman. Bayaan ang mga bata, pati asawa baylo sa paghakwat ka tonilada ka gamhanan nga manggad. Ogaring indi mapaktan kon san-o liwan magabalik sa loyo ka mga binayaan kon mayad pa ang lawas swirti may inogpaoli. sa mga pinalangga nga ginapamalikdan. Indi lipud ang kamatooran kon tobo man matam-is malas-ay ang pagbakabaka sa tunga ka katobohan nga ang gaararagay nga balhas amo lang ang gapangapin sa pagpanakayun nga ang swirti sangkidit mag-abot sa palad nga lawas lamang kag kaisug ang gapasarig nga ang maabtan kabohi bisan pa ang matipon daw ginpakalimos sa agalun nga nagapabatyag ka poraut. Ang pagtibawas lubug pa sa panurukan ka mal-am ang bwas-damlag malisud pa tib-ongon hay sa pira ka tonilada ka paraligban bisan pa ang bari sa kalawasan mahilot sa gihapon, ang katam-isun ka tobo magapabilin nga aplud sa pagdawhat ka swildo nga sinsilyo. |