|
Dahon ka lagondi, balonggay, hirba, kag origano lobakun sa almiris, pwidi man kumusun ka mga palad nga baraghal man okon pino Donota kamayad sa paglobak hasta magwa ang poro birdi nga duga indi pagpitki ka sampodyot nga asin basi magkatul pa ang imong lawas Toghongi ka gamay nga tobig labaab hostoha nga indi gid labyaw sa imong pamatyag Ibutang sa limpyo nga lapat okon panyo potsa kag hugta kamayad ang pagkaput hay hinali mawagwag ang pinotos his-ul gid kag manglaswa liwan ka pirang nahut Antis magtorog sa gabii ibanyus sa likod kag dughan indi paglipati ang bosong kag balikawang ibanyos dara masahi hasta sa paa, indi paglipati ang mga batiis nga nagaparangalay paagyi man ang dapadapa kag dayon piripisla Sa sigisigi nga pagpamanyos sa kabug-atun ka mga barikos nga nagtiriribsol magatahaw man ang hangin nga nanombalay magaruruplaag ang ramig nga nagparanupsup Lowas sa panit nga maragkut kag langto nga dapug, indi lipud, ang pamatyagan magasolhay sa pagbiya ka paraminhud, alay kag busug. |