|
Tion ka tag-ororan tion man ka paghimogo Sa kawa, rahaun ang paray nga aranyun bantayan, barabaliskadun para indi masonog Hala, bayo, burubuslan ka tatlo ka hal-o hasta mapain ang pasi kag labhang kinahanglan mangin limpyo ang limbuk nga ihimogo. Kumus sa pola nga kalamay kag nakodkod nga niyog abay gata, baywon ruman hasta magdukut kag magrapoyot. Ginabayo pa lang, gamohawmohaw run ang mga kabataan dali, sayloha run sa labador okon palanggana partidaha halin sa malainumul nga kabahulun kag pamotos sa dahon ka saging para sa balay, paryinti, kag kasimaryo nga nagahawathawat ka nanam nga linobak nga orosapun Hal-o kag losong, sinyalis ka kaboganaan ka mangongoma nga mapisan patimaan ka mayad nga aranyun, bangud nangin mayad kag alwan ang panahon. |