|
Kaptan ang polso kon may bari okon wara Pislun ang gisinggisingan pati run ang olo hiloton ang mga abaga, sa wala kag sa too banyosan ka baranyos nga pitopito dayon piripislun ang likod halin babaw paidalum hasta magsororongaw ang hangin nga nakibon sa karamigun Dalaydayun ang mga batiis nga gintoboan ka mga barikos nga indi makakas ka sangkidit nga pagpamanyos luyag na kara, ihurum sa labaab-tobig nga may asin kada gabii hasta magkururupus ang katibsolon Bilin ka mal-am indi magrigos asta mag-abot ang ikatlo nga adlaw budlay run basi sudlun ka ramig kag dayon ang lawas magparanglapsi Ne, palihog lang butang sa papag ka imong pasanag surusuptun ko pa dya para may tomarun nga bolong ang akun bana sa maabot nga simana. |