DK Nagbalhag kang Libro ni Geremia-Lachica
Rugya run ang ginahulat-hulat natun nga pinakabag-o nga libro kang Dungug Kinaray-a Inc. nga ginbalhag sa New York, USA kang Hulyo 23, 2014.
"Sa Kilid Kang Banglid: Tatlo ka mga Dula sa Kinaray-a" ang pinakauna nga libro kang mga dula sa Kinaray-a ni Maria Milagros C. Geremia-Lachica. Naimaw rugya ang tatlo ka mga mamugu nga dula: "Ang Pagpamalayi," "Ang Kasal" kag "Ang Bunyag."
Ang libro igalunsad sa Disyimbri 22, 2014 sa San Jose, Antique imaw sa pagsaulog ka Pagdayaw 2014.
Sa mga may luyag magbuul ka kopya, makipag-angut sa DK paagi sa admin@dungugkinaray-a.com. Ang mga libro sarang man mabakal sa Amazon.com.
Suportahan natun ang DK. Atun gid dya!
"Sa Kilid Kang Banglid: Tatlo ka mga Dula sa Kinaray-a" ang pinakauna nga libro kang mga dula sa Kinaray-a ni Maria Milagros C. Geremia-Lachica. Naimaw rugya ang tatlo ka mga mamugu nga dula: "Ang Pagpamalayi," "Ang Kasal" kag "Ang Bunyag."
Ang libro igalunsad sa Disyimbri 22, 2014 sa San Jose, Antique imaw sa pagsaulog ka Pagdayaw 2014.
Sa mga may luyag magbuul ka kopya, makipag-angut sa DK paagi sa admin@dungugkinaray-a.com. Ang mga libro sarang man mabakal sa Amazon.com.
Suportahan natun ang DK. Atun gid dya!
“Ang mga istorya kag tinawo ni Maria Milagros C. Geremia-Lachica indi manigar nga Karay-a kag ang anang mga dula, nga tatlo ang naabay sa dya nga koliksyon, buta kang pinasahi nga mga tunog kag laragway kang atun pinalangga nga Antique. Dya nga libro, ang una nga koliksyon kang mga dula ni Geremia-Lachica, dugang nga manggad sa nagarabong nga sinulatan kang mga matimgas nga manunulat Karay-a. Basaha kag ipabugal ang manggadan natun nga paranubliun nga mga Karay-a. Kruhay!”
— Glenn Sevilla Mas, MFA
Syam ka beses nga nagdaug kang Carlos Palanca Awards para sa Drama kag Artistik nga Direktor, Tanghalang Ateneo, Ateneo de Manila University
“Ang libro Sa Kilid kang Banglid: Tatlo ka mga Dula sa Kinaray-a, dugang nga amot ni Maria Milagros C. Geremia-Lachica sa pagtib-ong kang literatura Kinaray-a kag sa pagpadayon na tugro kang limug sa mga dula nga kauna mapabutyag lamang sa paghuram kang pangayaw nga mga tinaga. Gintugruan na man kang kabuhi ang mga tinawo nga nagabatyag kang kakunyag, kalipay, kalisud kag kapaslawan. Ginpakita na nga sarang tungkadun kag ipautwas kang Kinaray-a bilang linggwahe ang nanari-sari nga baratyagun kag panghunahuna. Kadarag-an dya kang mga Karay-a.”
— Ritchie D. Pagunsan
Presidente, Dungug Kinaray-a Inc.
* Litrato: Himo ni Mary Rose Adelle Pacificar para sa Dungug Kinaray-a Inc.