|
Indi ko pagkabigun nga paraligban Kon ano ang akun mangin kahimtangan Sa harum-an kag sa dason nga inadlaw Mayuhum gihapon sa akun pagbugtaw. Bisan wara't maglugod kang akun likod Ukon mag-agubay, tindugun ang tungkod Bisan wara't maghapuhap, magmasahe Maturugan ti hamuuk kon gabii. Masarangan ko nga magkaun sa McDo Isarahanun nga dilapan ang tudlo Sigputun ang nagturo-turo nga ketchup Laway kang iban 'di run takun magsagap. Ako nagapati ang kaugalingun Labaw sa tanan una nga palanggaun Mapaambit mo lang ang gugma sa iban Kon mismong kaugalingun nahamut-an. |
***