|
Togotan mo bala ako Nga magpalangga kanimo Bisan pa nga magkoon timo Nga indi mo matombasan Ang pag-alila ko kanimo? Mahapdus man sa baratyagun Nga bisan himas lang Kang imo palad sa akun butkun, Maiwat ko nga maagum. Ogaring bisan kanimo nalikum Ginagurut ang akun tagiposoon, Ginapaboskad matam-is nga yuhum, Nga di mamasnahan kasubu sa mga mata ko nagagunum. Luyag ko himoan kang bangun Agud loha mapunggan sa pagbaha Nagatahap ako nga basi imo makita Indi ko masarangan magpatirha. Sangkidit lang nga yuhum ang akun kinahanglan Agud linagomba sa dughan inanay nga maompawan Mitlangun mo lang ang akun ngaran Ginakurum ko mga lawas Kang init daw nalabyagan. Togoti lang ako nga ikaw palanggaun. Toman run ria para kanakun. |