Dula nga Ginsulat ni Glenn Sevilla Mas Ginpasundayag
Madinarag-un nga ginpasundayag ka Tanghalang Ateneo ang "Rite of Passage" ni Glenn Sevilla Mas kang Nobyimbri 27-29, 2014 sa Rizal Mini-Theater ka Ateneo de Manila University. Pagapadayunon ang paragwaun sa Disyimbri 3-6 kag 10-13, 2014. Ang bili kang kada tiket: P300.
Ang "Rite of Passage" ginlikwat (adapt) ni Mas halin sa Kinaray-a nga sugidanun "Sa Pagtubu kang Tahud" nga ginsulat ni Maria Milagros C. Geremia-Lachica. Sanday Mas kag Geremia-Lachica parihas nga mga katapo ka Hubon kang mga Tagdumara (Board of Trustees) ka Dungug Kinaray-a Inc.
Pagpanginbulahan! Bugal kag kadarag-an dya ka mga Karay-a. Sakdagun natun paagi sa pagturuk kang makaharawat-hawat nga pagturgo-kabuhi sa entablado. Atun gid dya!