|
Makiraw. Malopaypay. Malinung. Mahipus. Nagakatorog, wara ti timuktimuk. Ayhan, sa atun mga tagiposoon nga warat misukmisuk, May nabilin pa ayhan bala nga nagatiboktibok? Makatiringil ang akun hanihani Nga nagahokaw ka gabii. Kaona pa gali, wara gid timo magyaub, Ka istorya ka akun pagkasubsub. Ayhan, sa kadya nga gabii Nga atun run ang mga pasahi, Makapati run bala ikaw kanakun, Tuduk sa imo tagiposoon? Rugyan tana, nagaisarahanun, Ayhan, kaparihas man kaona kanakun – Daw nadoraan ka tanan sa mata kang kalibotan, Kag ikaw gid lamang ang piho nga panabang. |