|
Kamatooran, kabudlay gid ikaw nga ihangpun Andut nga laka lamang kanimo ang nagaogyon? Ano bala ang sarang ko mahimo para ikaw indi pag-isikway? Kon kabohi ko ang kabaylo, ikaw ayhan mangin hilway? Kamatooran, andut indi tanda mapahamtang? Kon ikaw makagwa, kalipay ayhan amun mabatyagan? Kamaan bala ikaw nga ang botig bolong kanamun? Piro kon ikaw ang malambot, masakit sa baratyagun. Sa podir man okon ordinaryo nga mga tawo Nahadluk sa kamatooran, indi makasogid ka insakto; Himaya ayhan ang madangatan kon wara ti botigun? Kon ang tanan nga tawo matood sa kaogalingun. Ako kag ikaw, tanan kita nagapati Nga ang kamatooran magwa gid sa orihi; Bisan ano pa ka tago, ria gid magasongaw Indi dun pagpaabota nga maghinulsul pa ikaw. |