Paglagas kang Handum
ni Ma. Felicia M. Flores
Indi namun ikaw ni Tatay mo pagpunggan
Ano man abi ang imo mangin paraabuton rugya sa uma.
Wara man kami ti inogpanubli kanimo maski sampingas
Naman-an mo man nga ang atun gid lamang ginapanag-iyahan ang dyang hayub-hayub.
Mayad lang gani hay ginpaistar kita rugya nanday Mistra Pilar kag ‘Pitan Bonoy sa andang bantud nga libre.
Sa imo pagpanaw
Ang solo namun nga pabalon
Sangka himpit nga parangadiun nga sa siyudad
Indi ikaw magtalang.
* Litrato: Himo ni Fernando Amorsolo halin sa http://kahimyang.info/mobile/articles/1372/a-small-collection-of-fernando-amorsolos-paintings