|
Sangka balinis lang Ang nagbogto ka wara kataposan nga gogma ka poti nga pating Nga rogto gahapon sa paklang ka bori Sangka lopok lang ka di-bomba Kag naalimonaw ang potli nga baratyagun Baw, daw malumus gid sa kalipay Ang mga sapatsapatun Anda lang gingutrab Daw ginakumus sa kasakit ang baratyagun Kang nailo nga isposo Nga naglupad imaw ang handomanan ka mahirup nga pag-imaway may aso ruman sa darapogan may sambowa sa karaha nga bag-o lang mahogasan nagadabdab ang kalayo, nagtob-ok man ang aso Dungan kara ang sirit ka karaha Samtang ginraha ka mantika ang kusug Ang lomay kang kamangyan gin-islan Kang kahomot ka adobo Sa lamisa may ginahulat nga sumsuman Ang saprat nga manogpangayam Sa sanga ka bongalon May isposo ka pating nga gahulat dulang kang kamatayun. |