|
Kag ang polong ko Kinaray-a Kag nagaragumu gid daya Manami sa talinga pamatian Ginadara na ikaw sa kaomhan Sa hani ka hangin nga priska Manami ang dupuydupuy sa talinga Sa hagunus ka tobig sa soba Kag sa soba ka daragkul nga mga isda Sa katam-is ka mga protas sa lasang Sa kanamit indi mo gid malipatan Mabatian mo sa kanta ka mga dahon Sa bobo ka oran sa atup kon kagab-ihun Indi ikaw magsala nga ako ang kadlawan Hay basi ikaw matoyawan Ginapabogal ko nga Karay-a gid takun Kag nagaragumu ang akun handum. |