|
Ang amun taramnan kabohi Rugya nagatobo ang binhi Nga ginpanggas ni Tatay Ka anang paghimakas Nga makatibawas kami Sa kapigadohon Sa kaporautun Sa taramnan tana nagbahul Rugya ginsonog ang anang panit Nagpurus ang anang kusug Sa batiis kag butkun Nagpadamul ka anang kibul Sa palad Sa dapadapa Nagabato nga indi dalidali Mapilasan kon mangoma Sa taramnan. Taramnan Ang nagpamaan kanakun Kon ano kabudlay Ang inagyan ni Tatay Nga mang-arado Manglabay Mangsab-og Manggarab Agud may buladun Kag sa lamisa namun May kan-un. |