DK nakabaton 10,000 FB Likes sa sulud kang darwa ka bulan
Ginapanginbulahan kang Dungug Kinaray-a ang tanan nga mga dagyaw Karay-a sa gintugro nga suporta paagi sa 10,000 Facebook Likes. Dya naagum kang DK sa sulud kang darwa ka bulan lang! Sa tulad, may 135,000 run man nga nagduruaw sa DK website (www.dungugkinaray-a.com).
Ang FB Like nga halin sa mga manogbasa pinasahe nga regalo kang Karay-a nga komunidad sa DK. Patimaan dya kang tagungtung nga pagsakdag agud mapabakud ang paggamit kang linggwahe nga Kinaray-a.
Ang DK sangka organisasyon nga nagatuyo nga magtib-ong kang Kinaray-a paagi sa pagtipon, pagtingub, kag pagtipig kang mga sinulatan sa Kinaray-a.
Sa tanan nga bunggaitan nga mga Karay-a, duro gid nga salamat sa inyo padayon nga pagbuylog. Atun gid tana dya!