DK 8 run ka Tuig
Ang Dungug Kinaray-a (DK) nagasaulog kang ikawalo nga pagsukat ka anang pagkatukod kadya nga tuig. Ginpasad ang DK kang Mayo 5, 2006 kag sa tulad narehistro dya sa Securities and Exchange Commission kang Pilipinas bilang pribado nga non-stock, non-profit nga organisasyon.
Ang mga tawo sa likod kang DK amo sanday: Ritchie D. Pagunsan, Maria Milagros C. Geremia-Lachica, Emmy L. Masola, Linda C. Arnaez-Lee, Arlene D. Nietes-Satapornvanit, Ma. Felicia M. Flores, Glenn Sevilla Mas, Anna Cecilia R. Pefianco, Consolita V. Rubino, Jose Edison C. Tondares, Manuel E. Magbanua, Jr., Ronan D. Talagtag, Roselyn C. Arnaez-Abuela, kag Stephen Louie R. Checa.
Ang DK sangka pribado nga organisasyon nga nagatuyo nga magtib-ong kang Kinaray-a paagi sa pagtipon, pagtingub, kag pagtipig kang Kinaray-a nga literatura, kultura, kag arte. Ang mga hirikuton kang DK natuon sa pagparabong kag pagpalapnag kang Kinaray-a nga wara nagaamar kang ganansya ukon suhol.
Hanggud nga salamat sa tanan nga mga katapo kag sumalakdag halin kauna tubtub kadya. Kabay pa gid nga magapadayon ang inyo pagbulig kag pagpalangga sa Kinaray-a. Atun gid tana dya!
Tamyawa ukon sulati kami kang inyong mga sugidanun, binalaybay, kag painoino sa admin@dungugkinaray-a.com.