9 ka Tuig run ang DK
Ang Dungug Kinaray-a (DK) nagasaulog kang ikasyam nga pagsukat ka anang pagkatukod kadya nga tuig. Ginpasad ang DK kang Mayo 5, 2006, kag sa tulad narehistro sa Securities and Exchange Commission kang Pilipinas bilang pribado nga non-stock, non-profit nga organisasyon.
Ang mga tawo sa likod kang DK amo sanday Ritchie D. Pagunsan, Maria Milagros C. Geremia-Lachica, Emmy L. Masola, Linda C. Arnaez-Lee, Arlene D. Nietes-Satapornvanit, Ma. Felicia M. Flores, Glenn Sevilla Mas, Anna Cecilia R. Pefianco, Consolita V. Rubino, kag Stephen Louie R. Checa.
Ang DK nagatib-ong kang Kinaray-a paagi sa pagtipon, pagtingub, kag pagtipig kang Kinaray-a nga literatura, kultura, kag arte. Ang anang mga hirikuton nagatuyo nga magparabong kag magpalapnag kang Kinaray-a nga wara nagaamar kang ganansya ukon suhol.
Duro nga salamat sa tanan nga mga katapo, kasimanwa, kag sumalakdag halin pa kauna tubtub kadya. Kabay pa gid nga magapadayon ang inyo pagpalangga sa Kinaray-a. Atun gid tana dya gani tipigan ta!
Tamyawa ukon sulati kami kang inyong mga sugidanun, binalaybay, kag painoino sa admin@dungugkinaray-a.com.