20,000 run kita sa DK-FB!
Magselebrar kita tungud nakalab-ot run sa 20,000 ang Facebook Like kang atun Dungug Kinaray-a Facebook Page! Nalab-ot natun dya sa sulud lang kang lima ka bulan. Amo dya tulad ang pinakadasig magmuad nga Karay-a nga grupo.
Ang FB Like halin sa atun mga mai-id nga manogbasa pinasahi nga regalo kang Karay-a nga komunidad sa Dungug Kinaray-a. Patimaan dya kang tagungtung nga pagsakdag agud mapabakud ang paggamit kang pinalangga natun nga linggwahe. Ang Dungug Kinaray-a sangka organisasyon nga nagatuyo nga magtib-ong kang Kinaray-a paagi sa pagtipon, pagtingub, kag pagtipig kang Kinaray-a nga literatura, kultura, kag arte.
Sa tanan nga bunggaitan nga mga Karay-a, duro gid nga salamat sa inyo padayon nga pagbuylog. Atun gid tana dya!