|
Bag-o lang nagtika ang adlaw pay mapaang run sa kosina, sa bilog nga palibot. Gin-it-it kang kasanag ang mahumuk nga trapal nga nagakunup sa mahoyang nga birha ka balay. Nagapahapdi ka akun pilas sa baratyagun ang nagapanoslok nga kasanag ka adlaw. Nabatyagan ko ang panghakruy ka hangin nga nagalapos sa giha ka tadtad nga dingding. Kitaun ang pwirti nga pagpangasubu ka nagaisaranhun nga kan-un sa ibabaw ka sariksikun nga papag. Onongan ko run lang tana-- Bas-un ko ka akun mga loha ang ana nga kamara; asinan ko ka akun mga damgo ang ana nga kalas-ay. Mahanggup takun. |