<![CDATA[DUNGUG KINARAY-A INC. - Sa Pagsulat ka Akun Binalaybay]]>Sat, 04 Nov 2023 13:10:24 -0400Weebly<![CDATA[Kahidlaw sa Pinalangga sa Marayu nga Lugar]]>Tue, 24 Feb 2015 01:07:29 GMThttp://dungugkinaray-a.com/sa-pagsulat-ka-akun-binalaybay/kahidlaw-sa-pinalangga-sa-marayu-nga-lugar
Picture
Himo ni D. Brooks halin sa http://quotes.lol-rofl.com/painting-of-love-birds/


Kahidlaw sa Pinalangga sa Marayu nga Lugar
ni Jaypee M. Alonsagay


Parihas ka uran nga nagalinagsanay,
Sa pagharuk ka malinung nga lupa
Ang akun tagipusuon padayon nga nagadalagan
Paagto sa lugar nga imo ginaistaran.

Sa pag-amat-amat kamang ka balud
Parapit sa bibi nga nagalantaw.
Ang akun alima pirmi nagadalidali
Sa pagkaput, paghakus kag pagharuk kanimo.

Indi magkalipat nga magturuk sa bulan.
Dyan mo ako makita kag ikaw akun man malantawan.
Kon ang adlaw magpainit ka imo baratyagun,
May kabugnaw ang hangin nga akun pagahuyupun.

Ang linibo nga milya sara run lang ka dupa
Kon madumduman ko ang matam-is mo nga yuhum.
Handumun ko gihapon ang atun pagkit-anay
Bisan sa pihak nga kabuhi ako magahulat.
]]><![CDATA[Sa Pagsulat ka Akun Binalaybay]]>Tue, 30 Dec 2014 06:35:46 GMThttp://dungugkinaray-a.com/sa-pagsulat-ka-akun-binalaybay/sa-pagsulat-ka-akun-binalaybay
Picture
Himo ni Elaine halin sa http://100landscapes.wordpress.com/tag/watercolor/


Sa Pagsulat ka Akun Binalaybay
ni Jaypee M. Alonsagay


Sa pagsulat ka akun binalaybay,
May paminsarun nga bukut matawhay.
Nagapamangkot kon ano ang sulatun,
Nagapalibug kon paano igaula ang baratyagun.

Sa pagsulat ka akun binalaybay,
Ginapungkuan gid sa binit ka baybay.
Tanan nga makita ginatinguha nga isulat,
Kada bato sa palibot may tinaga nga ginadawat.

Sa pagsulat ka akun binalaybay,
May baratyagun nga amat-amat nagahilway.
Ang lapis indi mapunggan sa pagsaot,
Ginalimpyuhan ang dughan ko nga nagapiut.

Sa pagsulat ka akun binalaybay,
Nabatyagan ko ang matuod nga kalipay.
Matam-is kan-un ang mga litra,
Kon sa sa puno kag punta akun liwat mabasa.
]]>