<![CDATA[DUNGUG KINARAY-A INC. - Kutso-kutso]]>Sat, 04 Nov 2023 13:09:42 -0400Weebly<![CDATA[Pangabay]]>Sun, 01 Mar 2015 00:21:20 GMThttp://dungugkinaray-a.com/kutso-kutso/pangabay
Picture
Himo ni Mary Ellen Golden halin sa http://www.thegoldengallery.com/collections/mother-s-day-gift-ideas/products/lightfilled


Pangabay
ni Maria Victoria C. Solis


Pangabay ko raad
Huksun mo lang
Imong singsing
Kada mag-agto kita rugto sa Grand;
Ukon mag-agto kita sa River Queen;
Ukon sa Amigo,
Kapin pa gid kon magpahangin-hangin
Kita sa Esplanade
Kag magdapitay sa SM.

Ugaring hay kon huksun mo
Kit-anun gihapon ang pud-is
Sa imong parasingsingan.
Daw ahaw bala nga pulo ka tuig
Nga wara’t hukas-hukas .…

Namayha gid abi ako
Hay wara tana ang paris
Ka imong singsing
Rugya sa akun tudlo.
]]><![CDATA[Kulba]]>Wed, 28 Jan 2015 21:49:26 GMThttp://dungugkinaray-a.com/kutso-kutso/kulba
Picture
Halin sa http://www.wallcoo.net/paint/dream/images/ml0044.jpg


Kulba
ni Maria Victoria C. Solis


Wara’t untat ang akun barabalikid
Sa ugis nga kalindaryo ni Lola Nena
Hay sangka simana run abi, wara gyapon kaabot akun bisita.

Kon gabii, amo man akun burobaliswa sa banig
Dara hikap-hikap ka
akun manipis nga pus-on
Ano to man?
Daw may nagapitik-pitik gid tana sa akun pamatyag.

Kang gintikab ko kanimo ang akun panagupnup,
Ay, sus, ta, dasig pa timo sa balangaw
kang nag-alimunaw.

Mayad lang, naumpawan
ang paranalum ka akun mga mata
Kang gulpi nag-abot
ang ginahuruhandum nga bisita.

Darwa pa ka lati ang nagligad
Nakadumdum ruman ikaw mangalihid sa akun payag,
Ay, abaw, gusto mo ruman magtiraw-tiraw,

Ontoy ko, patawara,
Piro wara run gid takun nahidlaw.
]]><![CDATA[Kutso-kutso]]>Thu, 25 Dec 2014 06:05:11 GMThttp://dungugkinaray-a.com/kutso-kutso/kutso-kutso
Picture
Himo ni Joe Cartwright halin sa http://www.paintingwithwatercolors.com/watercolor-paintings-studio-organization/


Kutso-kutso
ni Maria Victoria S. Solis


 Kilala nyo si Karya?
Ang bata bala ni Tay Usting nga Toyak.

Bati ko, pira pa lang ka bulan
Si Karya sa Manila
Nagapaitum-itum run ka eyeliner
Sa anang mata
Wara kamaan nga si Toto,
Dupol nga lapis ang ginaagwanta.

Ang buho-buho ka anang netlike stocking
Daw buho-buho man ka gusbat da nga atup;
Pagwa-gwa pa ka braces
Sa anang baba nga indi makipot
Nga ang andang balayan, nagaagwanta
Ka alambri nga bangut;

Sigurado, duro gid sobra nga tila
Sa anang micro-mini,
Yadi pa raad itabas ka pambalay ni Mimi.

Sa Facebook, puro lang padayaw-dayaw
Sa litrato nga nagamamam
Nga si Agot kuno,
Ginapasuso run lang ka suam.

Ay, abaw, birahi, Karya, ka sadsad sa syudad,
Kabay pa nga indi ikaw makasandad!

Wara mo gid pagdumduma,
Nga si Tatay mo dya
Nag-ubanun run ka byahi ka traysikul!
]]>