<![CDATA[DUNGUG KINARAY-A INC. - Abyan ukon Kaaway]]>Sat, 04 Nov 2023 13:08:53 -0400Weebly<![CDATA[Umpisa ukon Katapusan]]>Sat, 21 Feb 2015 01:25:48 GMThttp://dungugkinaray-a.com/abyan-ukon-kaaway/umpisa-ukon-katapusan
Picture
Himo ni Graham Gercken halin sa http://designyoutrust.com/2012/07/30-beautiful-examples-of-landscape-paintings/


Umpisa ukon Katapusan
ni Edison M. Otañes


Nag-umpisa ang tanan sa wara
Agud ang tanan atun makita.
Ang tanan may kabangdanan
Ginhimo paagto sa anda katapusan.

Nagbutlak ang adlaw sa kalangitan,
Umpisa ka masadya nga kaagahun.
Naglibot ang bulan sa kalibutan,
Nagbulus ang madulum nga kagab-ihun.

Nagtubo ang gutok ka tanum,
Bag-o nga kabuhi ang gindihon
Naglayung ang mal-am nga dahon,
Gatuman ka ana paraabuton.

Nag-umpisa ang tanan sa wara.
Pabay-an bala natun nga madura?
Tuod nga wara ti gabato sa kalibutan
Hay tanan atun huram gid lang.

Umpisa man ukon katapusan.
Ana ka Dyos bugay ang tanan.
Tana ang atun ginhalinan
Kana kita magabalik liwan.
]]><![CDATA[Abyan ukon Kaaway]]>Thu, 15 Jan 2015 02:05:13 GMThttp://dungugkinaray-a.com/abyan-ukon-kaaway/abyan-ukon-kaaway
Picture
Himo ni Robin Purcell halin sa http://robinpurcellpaints.blogspot.com/2014_04_01_archive.html


Abyan ukon Kaaway
ni Edison M. Otañes


Lupa, iristaran ka atun dunang manggad
Ang buhi nga binhi gintanum, gintatap.
Tubig, panabat sa kauhaw ka lupa
Galimpyo ka higku sa kada tinuga.

Hangin, ginhawa ka atun kalibutan
Gahaplos kang karamig kag kasulhayan.
Kalayo, kasanag ta sa kadudulmun
Gapugung sa pagkupkup kang karamigun.

Nagwarus ang lupa, nanglagas ang tubig.
Kalayo nangagat, nanghampak ang hangin.
Tawo nga pinili ka Dyos nga tag-amlig
Ang kaugalingun na ginpasulabi.

Lupa nga nagabuhi sa kalibutan,
Ang naglubung sa ana mga pinanggasan.
Tubig nga gabusog sa uhaw nga lupa
Naglumus sa mga buringun it alima.

Hangin nga nagakuhap kang katawhayan
Nagkumus ka atun pinangabudlayan.
Kalayo nga bantay natun sa kadulum,
Paranaguan ta ana gid ginkaun.

Hay ang lupa, tubig, kalayo kag hangin
Duna nga manggad labaw pa sa bulawan.
Tanda abyan ukon kaaway kon tawgun,
Gatugro kabuhi ukon kamatayun.
]]><![CDATA[Tawo ukon Sapat]]>Sat, 29 Nov 2014 18:10:33 GMThttp://dungugkinaray-a.com/abyan-ukon-kaaway/tawo-ukon-sapat
Picture


Tawo ukon Sapat
Edison M. Otañes


Sin-o ang ginpili? Sin-o ang ginkabig?
Bantay kang kalibutan, tana tag-amlig.
Ana pagtuman makita lang sa bibig
Kag bukut sa dughan ang tuod nga pitik.

Sin-o ang tagbuhat ka dyang kaimulon?
Tawo nga gutum nga nagbusog ka busong
Ukon ang sakun nga nag-antos ka gutum?
Paramangkutanun nga daad atun sabtun.

Sin-o ang mas mayad sa tawo kag sapat?
Tawo nga bungul, sa kadalok gasabat
Ukon ang sapat nga indi gid mangagat
Bisan gutum sa tawo nagaalagad?

Sin-o ginatawag tawo nga daw sapat?
Sin-o ang sapat nga daw tawo maghulag?
Budlay gid hangpun ang sangka budlay sabtun.
Ang nakamaan lang, tawo nga matarung.
]]>