Pista kang mga Binalaybay
May ginabatyag kaw bala nga kalipay, kasubu, kaugut, kahadluk, kaima, kaimon, kanugon, kalinung, kapaslawan, kakunyag kag kon ano pa nga mga hibubun-ut nga sarang mo mabalay sa sangka binalaybay? Kag luyag mo bala ipaambit ang imong baratyagun sa atun maaram, maisug, maambung, matandus, mabuut, mapinalanggaun, masarigan, mapainubusun, mabinalak-un, malipayun ... nga mga kasimanwa nga Karay-a?
Sulata kag ipadara ang imong matam-is, maaplud, maaslum, makahang, malas-ay, maasin, matab-ang, mapait, manamit kag makaralaway nga mga binalaybay agud mabalhag imaw sa atun pista. Sampat gid kon piliun mo ang mga topiko nga may angut sa atun kultura bilang mga Karay-a.
Umpisa sa Martis, Septyembre 16, 2014, mabasa ninyo rugya ang nanarisari-sari kag makawirili nga mga binalaybay nga magatandug kang atun paminsarun, panumduman, painoino, panglibolibo, panghunahuna, pangbanabana, pangbinagbinag, pangdahumdahum, pangbahinbahin, pangbasobaso .... Dali sulat run kag ipadara sa admin@dungugkinaray-a.com.
Bantayi! Atun gid dya.