DUNGUG KINARAY-A INC.
Tamyawa kami
  • Balay
    • English
  • DK
    • Damgohanun
    • Kasaysayan
    • Tagdomara
    • Katiringban
    • Minsahi
    • Manonolat
    • Pahanumdum
  • Bando
    • Balita
    • Hitabo
    • Anonsyo
    • Bantala
    • Handumanan
  • Padya
    • Padya DK 11 (2017) >
      • Giya kag Pagsorondan 2017
    • Padya DK 10 (2016) >
      • Mamugu nga Sogidanun - Mga Pasakup 2016
      • Sogidanun Pangbata - Mga Pasakup 2016
      • Binalaybay - Mga Pasakup 2015 >
        • Andut
        • Antikinyo: Sa Lowas kag Lawas
        • Binalaybay ka mga Pagbag-o
        • Karay-a Takun
        • Katul, Kalam, Pait, Tam-is, kag Aslum
        • Mga Binhi ka Paghandoraw
        • Mga Dapli sa Kan-un
        • Panabor nga Dalig, Namit!
        • Sa Doyan ka mga Balud
        • Yab-ok: Paghandoraw sa Ginhalinan
      • Giya kag Pagsurundan 2016
    • Padya DK 9 (2015) >
      • Mamugu nga Sugidanun - Mga Pasakup 2015
      • Sugidanun Pangbata - Mga Pasakup 2015
      • Binalaybay - Mga Pasakup 2015 >
        • Ako kag ang Pagtangis sa Mata
        • Asin sa Baybay
        • Mag-andam sa Buaya
        • Mga Pakpak ka Anghil
        • Mga Pintok sa Langit
        • Paghigugmaanay ka Langit kag Lupa
        • Pagpukaw sa Baratyagun
        • Palangga Ko Ikaw
        • Taning
        • Wara Nagabatang ang Istudyanti
      • Giya kag Pagsurundan 2015
    • Padya DK 8 (2014) >
      • Mamugu nga Sugidanun - Mga Pasakup 2014
      • Sugidanun Pangbata - Mga Pasakup 2014
      • Binalaybay - Mga Pasakup 2014 >
        • Abyan ukon Kaaway
        • Ang Pagrara kang Kinabuhi
        • Handurawun
        • Kay J
        • Kita Mangunguma
        • Kon Magpa-Manila ang Karay-a
        • Kutso-kutso
        • Mga Handumanan sa Sityo nanday Lola kag Lolo
        • Mga Pili nga Binalaybay Halad sa Dungug Kinaray-a 8 (2014)
        • Pagtamud
        • Pamangkot
        • Pangabuhian sa Kaumahan
        • Pinanggas ka Manunulat
        • Sa Pagsulat ka Akun Binalaybay
        • Tay Tama run ra nga Pamulang
      • Giya kag Pagsurundan 2014
    • Padya DK 7 (2013) >
      • Una nga Padya 2013
      • Ikarwa nga Padya 2013
      • Ikatlo nga Padya 2013
      • Mga Pasakup 2013
      • Giya kag Pagsurundan 2013
    • Padya DK 6 (2012)
    • Padya DK 5 (2011)
    • Padya DK 4 (2010) >
      • Ikarwa nga Padya 2010
      • Ikatlo nga Padya 2010
      • Hamili nga Pasidungug 2010
      • Giya kag Pagsurundan 2010
    • Padya DK 3 (2009) >
      • Una nga Padya 2009
      • Ikarwa nga Padya 2009
      • Ikatlo nga Padya 2009
      • Giya kag Pagsurundan 2009
    • Padya DK 2 (2008) >
      • Una nga Padya 2008
      • Ikarwa nga Padya 2008
      • Ikatlo nga Padya 2008
      • Giya kag Pagsurundan 2008
    • Padya DK 1 (2007) >
      • Una nga Padya 2007
      • Ikarwa nga Padya 2007
      • Ikatlo nga Padya 2007
      • Giya kag Pagsurundan 2007
  • Solatambung
    • Palantu
    • Hurubatun
    • Taposan
    • Siryi >
      • Ang Babaylan kang Panay
      • Ang Baol ni Inday
      • Handum
      • Hiwit
      • Lumay
      • Mga Panuytoy sa Pagsulat kang Kinaray-a
      • Ugsad kang Kinaray-a
      • Uyas kang Paray
    • Pabola >
      • Ritchie D. Pagunsan
      • Maria Milagros C. Geremia-Lachica
    • Pista >
      • Kirab
      • Uruk-ukan
      • Kaharadlukan
      • Binalaybay
      • Mitolohiya
      • Simana Santa
      • Paghigogma
  • Painoino
    • Alex C. Delos Santos
    • Alicia P. Magos
    • Anna Cecilia R. Pefianco
    • Arlene D. Nietes-Satapornvanit
    • Consolita V. Rubino
    • Cornelio V. Ysulat, Jr.
    • Danny S. Tabuyan
    • Emmy L. Masola
    • Jesus C. Insilada
    • Linda C. Arnaez-Lee
    • Ma. Felicia M. Flores
    • Mark Anthony Q. Orquejo
    • Maria Milagros C. Geremia-Lachica
    • Ritchie D. Pagunsan
    • Stephen Louie R. Checa
    • Dagyaw Manonolat
  • Panolatan
    • Binalaybay
    • Sogidanun >
      • Ang Pagbihag ni Tumaka Bulalakaw kay Maria Katsila
      • Sa Pagtubu kang Tahud
    • Karawat (Dula) >
      • Ang Pagpamalaye
      • Ang Kasal
      • Ang Bunyag
      • Kang Mapatay si Mr. dela Cruz
    • Pangsini >
      • Handum
      • Dumut
  • Obra
    • Pahambal >
      • Sugidanun
      • Ambahanun
      • Epiko
    • Libro
    • Sini
    • Mosika
    • Animasyon
    • Bibliya sa Pelikula
  • eBuk
    • Dayaun nga Tagipusuon
    • Handum
    • Hidlaw
    • Hiwit
    • Sa Pagtubu kang Tahud
    • Tatlo ka Sugidanun sa Pulong K
    • Una nga Bayli
    • Villa Dolorosa
  • Togda
    • Pautwas
    • Sulati kami
    • Bulig

Maranhig

8/27/2014

44 Comments

 
Picture

Maranhig
ni Danny S. Tabuyan


“Juanito, Toy! Dali naw!” ang tawag ni Uway Silang sa anang baynti anyos nga apo nga ana ginsugo nga mag-agto sa banwa kang San Luis, hay mamakal kang lanot kag kalat. “Mamaybay kaw kon rapit kaw run sa patyo ka banwa, indi kaw manglihid sa patyo hay makataragam, may nagapamahoy dyan kan.”

“Iwanhaw, Uway? Kon bahuyon ako bahuyon ko man, eh!” ang lango-lango nga sabat ni Juanito sa anang uway kag nagkaradlawun hay daw nayubit man sa anang sabat.

“Pagtadung, Juanito!” ang saway kang mal-am nga nagadalung ang anang mata. “Magpamati kaw agud nga kon makaatubang kaw kang kataragman, kamaan kaw kon ano ang himuon mo."

“Huud, Uway!” ang malagday nga sabat ni Juanito nga daw sa namayha man sa anang kaugalingun. Ginpahidan na ang anang nagailig nga balhas sa anang bagiing kang suol ka anang bayo nga puna samtang ang anang mga mata daw nagapasurip agud sa pagtamud sa ginahambal kang anang uway nga nagapatpat kang anang mga dapat himuon.

Ginasugid nga sa banwa kang San Luis may pamilya nga ang andang surundon amo ang pagkamaranhig. Sa kahuya ka dyang pamilya, tungud hay manggaranun kag dungganun sa banwa, nga mabansagan nga sanda kag ang andang kaliwat, mga maranhig, ginbaydan nanda kang mahal ang andang bulig nga tagairaya agud amo ang magbaton kag magpangako kang andang surundon halin sa nagahimugto nanda nga mal-am. Ang pagkamaranhig nagsaylo sa andang timbang kag sa anang panimalay.

Suno sa sugidanun kang mga mal-am, ang mga maranhig amo ang mga patay nga nagabangon tungud nga ang andang mga patay nga lawas ginagamhan kang mga kadu nga ispiritu. Sa tion kang paghaya nagakatabo nga ang patay nga may surundon nga maranhig, nagahulag ang mga bahin kang anang lawas, kaangay kang ulo, alima ukon kahig, kag kon kis-a nagabangon-bangon ang patay kag nagalawit ang anang malabug nga dila. Tungud kadya, ang tag-iya kang minatay nagaaman kang itum nga tila nga ginatabon sa nagahulag nga bahin ukon sa bilog nga lawas kang patay agud magmuslu dya.

Kauna kang wara pa mauso ang punirarya kag ang pagbalsamar kang mga patay, sangka gabii lang ang paghaya. Ang patay ginahaya sa katri ukon sa banig sa salug sa diin tana napatay nga ginatabunan kang moskitiro, hay ginahulat pa nga mahuman ang anang lungon nga ginapulawan ka himo sa bilog nga gabii. Ginabugkusan kang panyo ukon tila nga puti ang sulang kag ginabugkus sa alipudwan agud indi magnganga ang baba kang patay kag ginasungsungan kag burak ang irong agud indi pagsudlan kang sapat-sapat pariho kang langaw.

Sa paglubung ang lungon ginatungtong sa liyaliya nga ginapas-an kang apat ka tawo. May taklub ang lungon piro wara ti pintal.

Kang may gindara nga patay nga ginayayungan sa liyaliya agud ilubung sa patyo, nahangyus ang mga nagakumpanyar kang gulpi lang nahulog ang takup kang lungon kag dayon nagbangon ang patay kag nagpungko sa anang lungon nga ginayayungan. Sa kahadluk kang mga tawo nagpugaas sanda palagyo, ginbuy-an kang mga manogyayong ang liyaliya kag nahulog ang lungon, natabug ang patay. Kang anda balikdun ang naula nga lungon, anda nakita nga ang patay nagapungko run kag nagaulway ang anang dila kag nagahakad ang anang mga kalimutaw.

Dalidali ang mga laki kang pamilya nga nagparapit kag gintabunan nanda dya kang tila nga itum kag gin-untay ang patay kag ginsulud liwat sa lungon kag ginbugkusan kang uhay dayon ginguro sa kutkot kag gintampukan.

Makalipas ang pira ka oras, sa indi mahangpan nga hitabo, nakaguwa ang maranhig sa ginalubngan nga lupa. Kag sa sulud kang mga inadlaw, nagapungko lang dya sa gawang kang patyo kag nagapanglagas kang mga nagaagi.

Mataas ang taub kang dagat kag madapul ang magpanaw sa baras kang baybay, gani ginpasulabi lamang ni Juanito nga mag-agi sa karsada nga nagaalihid sa patyo. Kang nagrapit run tana sa patyo, ginsug-alaw tana kang marapug nga hangin nga daw dapug kang nagadunot nga bang-aw. Nagapusnga kag nagapanupra si Juanito sa anang nadapgan kag ginatabunan na ang anang irong, kang may nabatian tana nga nagakulas. Kang magbalikid tana sa gawang kang patyo, ana nakita ang nagaparapit nga maranhig.

Nagdalagan si Juanito paagto sa baybay hay kuon ni Uway Silang, “Hadlukan ang maranhig sa tubig hay kon mabasa dya nagahimo nga ulod.”

Hala man dalagan ana ni Juanito, ugaring naglagas man kanana ang maranhig. Gin-ubos na ang anang ikasarang sa pagpadasig kang anang dalagan, piro daw wara nagarayu ang nagasunod nga maranhig. Sa ano man nga kadimalasan nga nagsangit pa sa balagun kang ragayray ang anang kahig, nakadagpa tana kag tungud kadya, nadab-ot tana kang maranhig.

Dayon dakup kang maranhig kanana, kag amo man ana nga panginpadlus. Indi na run maman-an kon ano ang himuon na hay hugut gid ang kapyut kang maranhig kag mapurus dya. Daw masuka run si Juanito sa kabaho kadya kang dakpun kang maranhig ang anang liug kag kug-un. Nagapaminsar run si Juanito nga basi mapatay run tana. Nag-irihi dya sa kahadluk kag nabasa ang maranhig.

Pamatyagan ni Juanito, daw nagaugan ang kapyut kanana. Nagaamat-amat ka rusdag ang lawas kang maranhig kag nagahimo dya nga tumpok kang mga ulod. Ginsipa na ang punsok kang mga ulod agud mawas-ag kag magrapta. Ugaring ang mga ulod madasig nga nagtipon liwat agud mahimo liwat nga maranhig. Nagdalagan si Juanito sa dalay-ahan. Naglagas gihapon ang maranhig. Pagdakup kang maranhig kanana, dayon na tiklod kadya sa nagapusa nga balud sa dalay-ahan, kag nahimo liwat nga mga ulod. Dalidali si Juanito kayaba kang baras agud makahimo kang bubon-bubon kag dayon kakahun ang mga ulod pasulod sa buho nga buta kang tubig agud indi lagi makabalik sa pagkamaranhig.

Mapalagyo run raad si Juanito, kang makapkapan na ang pusporo sa bulsa kang anang pantalon. Mayad lang hay wara dya tanto mabasa. Gintipon na ang mga nagkaging run nga dagsa nga rurok nga mga lukay kag ana dya nga gintutdan. Kang nagadabadaba run ang kalayo ana nga ginhakad ang mga ulod kag gintagbung sa tutod. Wara gid tana maghalin kon wara mag-abo ang mga ulod.

Nagsugbo tana sa dagat agud mabuul ang baho kang maranhig sa anang lawas.

Kang makauli tana, ginsagap ni Uway Silang ang mga lanot kag kalat nga ginpabakal kanana.

“Wara ako ka diritso, Uway, hay gin-ulang ako ka maranhig. Mayad gani nga wara na ako mapyirdi,” ang sabat ni Juanito.

“Hay, bat-ulan kaw!” ang hambal ni Uway kanana.

Sa baybay, ang abo kang tinutdan nagramig kag amat-amat nga ginahuyup kang hangin. Amat-amat man nga nagaguruwa ang mga nagadihok-dihok sa abo ….

- Katapusan -

* Litrato: Himo ni satibalzane halin sa http://satibalzane.deviantart.com/art/Cemetery-317681825.
44 Comments
Maria Milagros G. Lachica
8/27/2014 01:59:19 pm

Abaw Fr.D, namuslu takun sa akun pinungkuan ka basa ka istorya mo. Salamat sa makarilingaw nga mga sugdanun.

Reply
norby penetrante
8/27/2014 02:00:56 pm

katahum ng barasahon...an ilonggo folkloric treasure..

Reply
Norby Penetrante
8/27/2014 02:01:30 pm

Bilang tumandok sang iloilo, makahridlaw... maghambal kag magbasa kadyang Kinaray-a nga aton natawhan... makarelate man taton sang mga istorya ka maga mal-am nga opisyo mag estorya kang inaswang samtang naga usang ka mama...ko kaisa naga-aragsik ang laway ni lola sa bayu ta nga puti ang agi gamansta. Kanami pa gid lakat ka estorya na kon makatughong kang isa bol nga tuba... nice folklore stories heard from our family clan matriarchs... A very rare treasure nowadays....

Reply
Cammy Fernando Orabao-Amelyn
8/27/2014 02:02:33 pm

Grabe!!! Dura katuruyhon ko pagbasa kang storya ngaya. estorya kang misteryo sang kabuhi.

Reply
Blash Anabo-castiva
8/27/2014 02:03:12 pm

Manami nga estorya makarilingaw.

Reply
melodiya
8/27/2014 02:36:32 pm

Wala napatay ang mga ulod.. Hehe

Reply
norby
8/27/2014 03:54:00 pm

hala ka..brubuhay jan dun ang maranhig sa tupad mo..

Reply
nonoy montilla
8/27/2014 03:07:56 pm

grabe man nga estorya. nag-break ako para mangihi. ang akon naman-an nga estorya anay tungud sa maranhig nga gintiwang tiwangan nanda paadto sa patyo, pag-agi kang manug tiwang tiwang sa lublub nga taas kugon naga pangyapot kano maranhig kag magkuon...hinay hinay lang kamo ay, kag rugto maghuruplaag mga manugtiwang tiwang. haha. salamat Father. more stories pa po.

Reply
norby penetrante
8/27/2014 03:22:16 pm

Reply
Dungug Kinaray-a
8/27/2014 04:21:10 pm

Norby, salamat sa paghapit.

Reply
layag
8/27/2014 03:46:17 pm

Ang naman an ko sa capiz kang ginbalsamar tana sa balay nanda. Hambal ka maranhig aguy toto hinayhinaya lang. Nag daralagan ang manog imbalsamar kag wala run nagbalik2x..

Reply
Rïçhéllé Lâçîbàl Û
8/27/2014 04:09:12 pm

More Story pa Kanami magbasa ah, Nalingaw man ko ba!

Reply
Deizel Tumagan
8/27/2014 04:10:25 pm

Nami bah. . .bw kng my maranhig abi Fr.Danny sanda gd guro ang lagsanay. . .duro guro smagul nga mg kara bitas. . .hahahaha nice one!

Reply
Melodiya Amor Villanueva
8/27/2014 04:11:07 pm

Wala mapatay ang mga ulod.. Hehe

Reply
Trix Lim Blancia
8/27/2014 04:12:12 pm

Daw sa kanami lng sa pamatyagan kng makabasa ko kang makarilingaw nga sugilanun.. kabay pa nga mas duro pagd nga sugilanun ang mapalapnag.
#kinaray-a gd takun
#palanggaun natun ang atun linguahi

Reply
Linda Arnaez Lee
8/27/2014 04:31:00 pm

Pag-un ba Padre. Daw makangiridlis rang pagdihok kang mga ulod. Maan lang dyan haha. Kudos!^^

Reply
Ma-an Apinado Junecko
8/27/2014 04:34:29 pm

Isa ini sa mga 'bedtime' stories sa amon ni Lola Marga. Rest In Peace 'la Margie. I miss you. But we will see each other again someday. Palangga ko nga Lola.

Reply
Hawili Hurom
8/27/2014 04:35:06 pm

Baw amo man diya pamahog sa amon ni nanay kag tatay karang una... hahaha...

Reply
Peter Sondayon
8/27/2014 04:35:48 pm

Nakabati man ako sang estorya nga ini sadto, pero ang pamangkot matood ged man bla ang mga kasubong sini nga estorya?

Reply
Rich
8/27/2014 04:37:51 pm

Fr. Danny, buhi pa ang mga ulod. Wara't katapusan gali dya kon wara't manubli.

Reply
Mert Altares
8/27/2014 06:59:43 pm

suno sa ginsulat ni Sebastian Sta. Cruz Serag, "Ang MARANHIG kuno ang living dead with superhuman strength. makabalik sa kinabuhi (mabanhaw) kon butangan kang asugi (mercury) ang anang itlog. " ;)

Reply
rj alvarez
8/27/2014 07:12:30 pm

I have heard this story more or less 100 times from my lola who died at 103 last 2008. Matuod nga aton gid dya nga mga Antiqueño. Daad nga mapaabot pa ang amo dya nga mga istorya sa mga sunod nga generasyon. Not to scare them but to at least pass this part of our culture to them. Thank you, pads!

Reply
rj alvarez
8/27/2014 07:20:34 pm

Mayad gid nga nakita ko dya sa facebook. Pwede maman an kun sino ang admin? May istorya ang akon lola nga gusto ko daad ma-share man. Thanks

Reply
Linda
8/27/2014 10:11:38 pm

RJ Alvarez i email lang ang imo istorya sa admin@dungugkinaray-a.com. Welkam gid.^^

Reply
Ar Djey
8/28/2014 02:18:17 am

Salamat, Linda Arnaez Lee. Ibaid ko anay akon kinaray-a kag magpanumdum kang mga detalye kang istorya kang nagpanaw dun namun nga si lola Albina Alvarez. Salamat gid.

rain
8/28/2014 02:05:38 am

batian ko ja nga story bata pa ako,baw ah ,wili ko kabasa ba,gamay ko lng ma lipatan macaroons ko sa oven..

Reply
Angelbabe Facton
8/28/2014 02:12:06 am

Hay budlay gid intindihon ang tama ka dalom nga karay a.

Reply
Nerisa Sedano
8/28/2014 02:12:54 am

Baw a, natabu an gid nga ga-merienda ko kag magbasa kaja ba.... hehe nano na...

Reply
Maryjane Dimafeles Sevilla
8/28/2014 02:13:45 am

Baw... Guintpos ko guid basa a...

Reply
Lannie Samillano Montera
8/28/2014 02:14:25 am

Jaja ala nah atah sugpon.subaybayan ng sunud nga kabanata.sagi man q pangita sugpon nah ah.funny

Reply
Karenrose Pamela Estuche Estrada
8/28/2014 02:15:09 am

Nami magbasa karay a.pira gid liwan liwanon hehehe

Reply
Arthur Canizo
8/28/2014 02:19:43 am

Congrats fr danny! masadya ang storya, more stories!

Reply
Mel Molo
8/28/2014 11:47:31 am

What I gathered from the vines....ang pagka MARANHIG paranublihon....kung mag mal-am ang maranhig kag mag balati-an indi mamatay matay ...Maluya sa adlaw mapagsi sa gab-i....Mamatay lang ang maranhig kung may mag 'PIYADOR" or mag-ako sang iya pagkamaranhig....Ang piyador puwede membro sang pamily ukon bisan sin-o lang nga puwede bayaran.... Gani halong kamo sa biglang manggad!......

Reply
amy banquillo
8/29/2014 02:25:45 am

namian gid ako magbasa sang mga istorya nga sinang una kag makaharadlok

Reply
Garry Sibua Sarabia
8/30/2014 02:00:11 am

Nami nga istorya, dw nami lg liwan liwanon ka basa, mas ayad pa mag basa ka mga sugilanon k mga mal am, kaysa mag sinagad ka duyo ...

Reply
Clea Lara Ho
8/30/2014 04:01:10 am

Ang akon anay nga landlord sa San Francisco,Ca.,in 2005....naka estorya parti sini.....may natabo sa Lambunao,Iloilo nga pamilya nga may sulundon nga MARANHIG....pareho man ini sa ASWANG nga kung wala sang may masalo,indi mapatay ang natongdan.....pero ang iya estorya dao la-ngo la-ngo.....tungog wala sang gusto magsalo sa pamilya sang amo sini nga panob-li-on gin painom nila sang ENDRIN ang ila tatay bala?? ti kundi,patay dayon nga wala may nagsalo sang amo ni nga panobli-on.....sa mga bata ya....

Reply
Jill French Paspe
8/30/2014 08:08:08 pm

Bisan diya ako sa marayo nga lugar buol hidlaw ko sa akon pag basa ,dumduman ko dayon si anhing mommy ko hay amo gid karan ang anang mga esturya .Mayad nga adlaw ka ninyo tanan.

Reply
leslie
9/2/2014 06:38:21 am

May ng istorya man knakon kng parti sa maranhig. Imbalsamador. My ginbalsamar sanda pero pag pilas na sa liog kng patay, ng bangon ang patay. Dalagan ang anda kg wara ti balik balikid. Ng uli sanda kg pagka aga, ng agto ang bata ka patay sa punerarya. Gin baydan na ang imbalsamasyon bisan wara natapos kg ng storya nga maranhig sanda. Mangaranon nga pamilya.

Reply
Diosa Ventura
9/3/2014 02:49:19 am

Dura man kapoy ko ba nang ginabasa ko ang istorya nga ja, kanami makalilingaw kag suspense. Salamat.

Reply
Marylord nambong
9/3/2014 03:42:22 pm

Hahaha anu oras dun sako pa aq ja..maan nawili manq basa ba!

Reply
a.abiera.d
9/9/2014 07:19:56 pm

Maranhig is a bedtime story. As a child, I loved to hear how the story continued. I heard this several times because together with my cousins we would request our aunt to repeat the story. While they would say that that being a maranhig is a paranublion, some people somehow believed that this is really true in some towns. Nevertheless, until proven and documented this is still a bedtime story. We really miss our late aunt. Daad may collection kadya nga klase ka mga istorya such as: Ang Mantiw, Ang Kama-Kama, Ang Bawa, Ang Sigbin, Ang Tayhu, Ang Mangingilaw, Ang
Aswang, Ang Tamawo, Ang Pinalakad, Ang Babaylan, Ang Mariit nga Lugar, Mga Ngaran Kang mga Nagapuyo sa Lugar nga Mariit, kag iba pa. I seem to have vague recollection of all of these hay para kanakon bedtime story lang, kag sa kalawid nakaturog run kami nga mga bata kato. It is sad because they are oral stories not found in books.

Reply
bhudz
9/10/2014 05:36:19 am

nakabati man ako ka mga istorya nga amo kaja pero lain lang tana nga version kag indi ko dugid madumduman pero daw may pagkapareho man ginatawag dia amaranhig which is which pero pareho man gihapon creepy, thnks i enjoy reading with my reading glass on. thnks

Reply
Reekee
6/18/2015 10:43:02 am

Nahidlaw man ko mag pungko sa tubang kang astringki kag mamati kay lola kang mga storya nga kinauna..

Reply
netnet
9/30/2015 01:24:54 am

Wara ka na mabatian nga ga isturya tulad pareho ka ja kay puro dulang hi-tech na gadget ang gina kuti-kuti . hay kanami man gihapon magbasa o mamati ka pareho ja na esturya ga pamumbalik ang mga kang una nga pangabuhi na simple lang.

Reply



Leave a Reply.

      Pista kang Mitolohiya

    Mga sugidanun nahanungud sa aswang, tamawo, idalmunun kag mga makatiringala nga butang kag hitabo nga kabahin kang kultura Karay-a.

    Ang mga sugidanun nga inyo mabasahan, bunga kang paminsarun kang atun mga manunulat. Kon may anggid dya sa matuod nga ngaran, hitabo ukon lugar, natabuan lang dya kag wara ginhungud.

    Picture

    Sinulatan

    August 2014
    July 2014

    Kategoriya

    All

                     2014

    Tumanduk Sugid: Pista kang Mitolohiya
    1. Rimo
    2. Hardin kang Gugma
    3. Yanggaw
    4. Kalayo sa Uran
    5. Sulang
    6. Tayhu
    7. Mistiryo ni Olayra
    8. Pabulag
    9. Rosal
    10. Tyanak
    11. Ingkanto
    12. Usog
    13. Ang Pagbakwit
    14. Hupa
    15. Mga Katanhagaan kang Talisay nga Tiko
    16. Mangingilaw
    17. Pinalakad
    18. Bubon
    19. Tigadlum
    20. Kabugaw
    21. Panuktok
    22. Saragudon
    23. Ang Ayam
    24. Sinda
    25. Hiningalan
    26. Ang Bangga
    27. Panglab-as
    28. Maranhig
    29. Awang sa Anunang
    30. Kataragman sa Takas
    31. Pista kang Mitolohiya: “Kuno” nga mga Istorya

    RSS Feed

    * Litrato: Himo ni Josephine Wall halin sa http://www.tuttartpitturasculturapo  esiamusica.com/2011/05/josephine-wall-england.html.
Dumuruaw
Salamat sa paghapit.
Luyag ko magbolig
Importanti nga mga PAHANUMDUM
© 2006-2018 Dungug Kinaray-a Inc.

Email: admin@dungugkinaray-a.com
✕