Pagpang-abiabi
Halin sa mga Tagdumara
Sa atun pinalangga nga dumuruaw,
Duro nga salamat sa imo nga paghapit rugya sa website kang Dungug Kinaray-a Inc. Luyag namun nga mangin mabungahun ang imo nga pagduaw kag sa imo pag-uli, kabay makadawat ikaw kang dugang nga kaaram.
Kami nagatuyo magtib-ong kang Kinaray-a paagi sa mabugnaun nga paggamit na kadya. Gintukod namun ang Dungug Kinaray-a agud pasidunggan ang atun mga manunulat kag manogpasundayag sa Kinaray-a hay sanda kadya ang nagatugro kang kabuhi sa pulong nga atun namat-an. Ginahandum namun nga mapasanyog ang paggamit kang Kinaray-a sa atun mga pagsugidanun, pagsulat, pagtuon, kag pagdumara kang negosyo kag gobyerno. Ang atun duna nga panghambal matahum, madalum, matuod, matam-is kag puno kang manggad. Nagalaum kami nga sa atun padayon nga pagpanikasug, maagum natun ang dungug bilang hamili nga lahi.
Gani imawi kami sa pagtukib kang kinaaram kag kinaadman kang atun mga kasimanwa paagi sa pagkilala kag pagdayaw kang atun pagkapinasahi, ilabi run gid ang atun paghambal kag pagsulat sa Kinaray-a.
Para kanatun dya nga mga Karay-a, gani dali, dayon kaw!
Ang naga-abi-abi kanimo,
Mga Tagdumara
Dungug Kinaray-a Inc.