15,000 run ang FB Likes kang DK
Ginapasalamatan kang Dungug Kinaray-a ang tanan nga nagsuporta paagi sa 15,000 Facebook Likes. Dya naagum kang DK sa sulud kang tatlo ka bulan lang! Sa tulad, sobra sa 161,000 run man nga nagduruaw sa DK website (www.dungugkinaray-a.com).
Ang FB Like halin sa mga manogbasa pinasahi nga regalo kang Karay-a nga komunidad sa DK. Patimaan dya kang tagungtung nga pagsakdag agud mapabakud ang paggamit kang pinalangga natun nga Kinaray-a.
Ang DK sangka organisasyon nga nagatuyo nga magtib-ong kang Kinaray-a paagi sa pagtipon, pagtingub, kag pagtipig kang mga sinulatan sa Kinaray-a.
Sa tanan nga bunggaitan nga mga Karay-a, duro gid nga salamat sa inyo padayon nga pagbuylog. Atun gid tana dya!
* Litrato: Himo ni Marion Bradish halin sa http://fineartamerica.com/featured/jump-marion-bradish.html.