Ang pagsulat bayi nga hamtung sa panghuna-huna, sa panglawasun nagapili kang binhi nga timgas; Ang pagsulat bayi nga nagabusong indi mapaktan ang baratyagun 'galingin ang ulo, wara't gana magkaun; Ang pagsulat bayi nga nagabata tuman ang kasakit, tuman ang kakulba tuman ang kalipay pagguwa ka lapsag; Ang pagsulat matres ka bayi nagaluha ka dugo kon wara it mahuman. |