Ang “Handum” isara ka mamugu nga sine parti sa sangka bata nga nagtinguha pangita kasabtanan kon andut ang lugar nga ginaistaran nanda wara pag-ugwad. Nakita na ang sabat halin mismo sa mayor kang andang banwa.

Dya ginakabig nga una nga sine sa Kinaray-a kag ang kabug-usan ginhimo sa Antique.

Ang "Handum" napilian nga magpasakup sa 2nd Pandayan Lino Brocka Political Film and New Media Festival kang Hulyo 2010. Nagdaug dya kang "Rotary's Club Choice Award." Ginpasundayag man dya sa Ay Apo! Film Festival 2011 sa Baguio City. Ginnominar para sa "Best Short Film" sa 34th Gawad Urian Awards.

Ang "Handum" ginsulat kag gindireher ni Manuel E. Magbanua, Jr.

Ang "Handum" ginhimo kang Filipino Pictures, Inc. kaimaw ang Sineray-a (Sine nga Kinaray-a).

* I-klik rugya para makita ang pasayud kang "Handum."

* I-klik rugya para makita ang skript kang "Handum."

Dya nga sine istorya kang sangka empleyado sa gobyerno nga ginpadara sa isla nga marayu sa anang pamilya tungud sa kaangtanan na sa nagligad nga administrasyon.

Ginsaysay rugya ang pagtiraw nga naagum kang pamilya sa pagpangabuhi nga marayu ang isara kananda.

Parehas kang sine nga "Handum," ang "Dumut" nagtugro kang bugal sa tanan nga mga Karay-a, hay dya ikarwa nga sine sa Kinaray-a. 

Dya ginpasakupan nanday Stephen Louie Ramos Checa, Tonzie Escaño Gay, Fridy Pe Panaguiton, BingkolMan Dario, kag Bernice Ilagan-Magbanua.

Ang "Dumut" ginsulat kag gindireher ni Manuel E. Magbanua, Jr.

Ang "Dumut" ginhimo kang Filipino Pictures, Inc. kaimaw ang Sineray-a (Sine nga Kinaray-a).

* I-klik rugya para makita ang pasayud kang "Dumut."

* I-klik rugya para makita ang skript kang "Dumut."