Pilipinas
ni Linda C. Arnaez-Lee
Rurok ikaw nga nabilin Sa nagabakhu ko nga kasing-kasing Paano ko ikaw salbarun Halin sa mga bangkil kang kagarukan Nga padayon nagalamon Sa imo mga katawhan? Mas gamhanan gid bala ang pilak Ukon ang gahum kang poder Nga nagagapos kang atun kahilwayan Para mangin sangka matarung nga Pilipino Nga bisan sa tion kang kalamidad Mangibabaw ang kadalok? Ay, abaw pinalangga ko nga Pilipinas! May paglaum kaw pa ayhan? Nga makabangon sa pagkarugmuk Indi halin sa halit kang bagyo Kondi sa halit kang kagarok Nga padayon nagaut-ut kanimo? Ipaanod ko ang akun handum para kanimo Imaw ang mga tawo nga nalumus sa bagyo. |
* Litrato: Himo ni Thomas Cole halin sa http://chisnell.com/art/American%20Impressionism/Forms/Gallery.aspx.