<![CDATA[DUNGUG KINARAY-A INC. - Mga Pili nga Binalaybay Halad sa Dungug Kinaray-a 8 (2014)]]>Sat, 04 Nov 2023 13:09:54 -0400Weebly<![CDATA[Pagbatiti ni Nanay]]>Sat, 31 Jan 2015 00:17:31 GMThttp://dungugkinaray-a.com/mga-pili-nga-binalaybay-halad-sa-dungug-kinaray-a-8-2014/pagbatiti-ni-nanay
Picture
Himo ni Andi Cubi halin sa http://www.charliesartgallery.com/exhibits/baliktanaw/photos/


Pagbatiti ni Nanay
ni Jessie N. Monsale


Sa akun pagtubo sa busong ni Nanay
Akun mabatyagan ang pagpalangga na nga tuod
Hay tanan nga mayad ana gid ginpabatyag.

Biskan pa nabudlayan tana sa pagpanamkun
Sigi lang basta sa mayad lang kuno takun
Gani si Tatay sa tupad na pirmi nagabantay.

Ginmabdus na takun sa sulud ka syam ka bulan
Kag samtang ginabusong, bug-os takun gin-atipan
Biskan bukun tana kumportabli hay ako mabug-at.

Gin-una ako ni Nanay, ginrisgo ang kaugalingun nga kabuhi
Pagkakita kanakun may tuman nga kalipay nga dayon naghibi
Hay hambal ni Tatay sunod gid kuno takun kana.

Ginbatiti ako ni Nanay halin kang ako anang gintawo
Nagpulaw-bugtaw, nagpasuso, indi gid maisip anang mga ginsakripisyo
Hay tuman ang pagpalangga na, tanan ka dya kalipay na tana.

Ginadayaw ko gid si Nanay, ang akun bituon, iwag, suporta kag giya
Sa kon ano man ang akun nadangtan tulad, kabaraslan ko gid kana katama
Sa pira ka adlaw ako liwan ang mabatiti kay Nanay bilang pagpasalamat.
]]><![CDATA[Dungug kang Pagkakaray-a]]>Sun, 28 Dec 2014 06:22:38 GMThttp://dungugkinaray-a.com/mga-pili-nga-binalaybay-halad-sa-dungug-kinaray-a-8-2014/dungug-kang-pagkakaray-a
Picture
Himo ni Diana Miller halin sa http://www.millerwoodcreations.com/watercolor-landscape-paintings/


Dungug kang Pagkakaray-a
ni Jessie N. Monsale


Pagkakaray-a ang nagapanaylatay sa akun nga kalawasan
Ginabug-usan na ang akun dugo, kusug kag mga kaugatan,
Biskan diin man takun dar-un kang swirti ko kag kapalaran
Ang dungug kang ginhalinan indi ko gid mahimo  nga talikdan.

Kinaray-a, ang linggwahi ko nga ginapakamahal
Namat-an kag natun-an ko halin kang mag-umpisa hambal,
Indi gid takun mamayha gamitun dya biskan diin magwakal
Kay manggaranun katama ang sugidanun nga sampat ipabugal.

Ang mga Karay-a kang Pilipinas bantugon biskan diin magpasimpalad
Indi mabindihan ang mayad nga pinamatasan halin kasan-o asta tulad,
Sa kaaram kang napili nga propisyon tama gid kapisan kag katampad
Amo ra nga ang kaaraydan kang tanan padayon lang sa pagmuad.

Ginahalad ko ang akun binalaybay sa tanan nga mga Karay-a
Ang bug-os nga dungug kag pagpasalamat inyo man ambita,
Sa simpli ko ka dya nga minsahi kabay mabatyagan kag mabasa
Ang tuman nga bugal kag kalipay kang sangka Pilipino nga Karay-a.
]]>